جالي ذهول من رد فعل ابنتي على تعليقات الجمهور 

وقالت روجينا: "مريم مش أول سنة تشتغل معايا والسنة اللي فاتت في "ستهم" كانت عامله دور صعب والناس كتبت عنها كويس، السنة دي عملت دور بنت من بتوع السوشيال ميديا اللي بيطلعوا لايف، النقد مش بناء في ناس بتحبك وناس بتكرهك، اللي بيتفرج عليكي ممكن يبقى شايف إن دا كتير هو إنتي ليه عشان مامتك وعشان باباكي، اللي عجبني شخصيتها إن دا مأثرش فيها لو أنا كان زماني عيطت وموت نفسي واكتئبت، هي قالت هما شافوني اللي عاجبه أوك واللي مش عاجبة هو حر، أنا جالي ذهول من رد فعلها يمكن دا اتعلمته من دراستها".

ابنتي شخصية قوية وليها جمهور على تيك توك

وأضافت روجينا: "أنا وأشرف زكي كنا متعصبين عشانها لكن أنا شفتها شخصية قوية بهرتني برد فعلها أنها منكسرتش وأن مش كلمة تأثر فيها، هي دلوقتي ليها جمهور على تيك توك وبقت مؤثرة في الأول كانوا بيهاجموها، لما بمشي معاها دلوقتي هي عندها لازمة بتقول "جماعة" بلاقي الناس بينادوها ويقولوها".

وعن كواليس العمل معها في المسلسل قالت روجينا: "لما مريم مشهد مش ببقى مركزة في نفسي وأعمل ستوب وأفضل بصالها، هل قالت الجملة صح ببقى مشتتة وخايفة عليها وساعات أنصحها نصايح مش صح أديها أداء هو أدائي وشخصيتي غير شخصيتها ومدرسة مختلفة عنها، كان أستاذ رؤوف عبد العزيز المخرج يقولي أبعدي عنها ويقولها لو ماما قالت ليكي حاجة متسمعيش كلامها".

واختتمت روجينا حديثها قائلة: "هي في سنة تالتة جامعة أمريكية قسم مسرح وهي بتحب التمثيل أنا كان نفسي بناتي الاتنين يكونوا ممثلات".

يمكنك مشاركة الخبر علي صفحات التواصل