شاركت الممثلة ومقدمة البرامج اللبنانية إيميه صياح، متابعيها عبر حسابها الرسمي، منشور كشفت فيه عن موقف مؤثر حصل بينها وبين إبنها.

وكتبت إيميه في منشورها: "عنا عادة بالبيت، خاصة بالـweekend، منحط تراتيل الصبح ومنبعدها منسمع فيروز. هيك صار مبارح وسمعنا "نسم علينا الهوا" و"راجعين"، ما قدرت اتمالك نفسي قدام أولادي ومش بس دمعت.. بكيت كتير".
وأضافت: "سألني إبني theo ليه عم ببكي.. تلبكت شو جاوب.. قلتلو نص الحقيقة: "اشتقت للبنان". جاوبني: "ما تبكي ماما أنا بساعدك تضبي الشنط، ومنروح علبنان".
وتابعت: "طبعا صرت ابكي بعد أكثر وقلتلو مش قادرين هلق.. قريبا إن شاء الله".
وأكملت: "مرق النهار.. ولقيت علم لبنان ملزق على الخزانة، وقلو لبيو: "قول للماما ما تبكي.. كل ما اشتاقت للبنان تطلع بالعلم".
وختمت قائلة: "يا ريت قلوب الأطفال هيّي اللّي بتحكم العالم".