وقال علي ماهر في تصريحات تلفزيونية مع سيف زاهر: بيراميدز تحدث مع محمود جاد قبل مباريات إفريقيا، وخرج اللاعب عن تركيزه، وبالتالي أصبح تركيزه في الفلوس.

وواصل علي ماهر: لم أتأثر تمامًا برحيل مروان حمدي عن النادي المصري، كان موقف اللاعب دون رجعة، ومينفعش تعمل حاجة لا ترضي جمهور المصري، لأنهم بيسافرو وراء الفريق أكتر من 6 - 7 ساعات متواصلة ومينفعش أعمل معاهم كده.

وأكد: كان لابد من رحيله لأن ما حدث مع جمهورنا شيء مؤسف، لأن الجمهور بيتحمل مشقه سفر طويل لتشجيع فرقته ويجب علينا احترامهم.

وكشف: تعجبت من أزمة مروان حمدي مع جماهير الأهلي بعد مشكلته مع المصري.

وواصل: بشوف على السوشيال ميديا ناس بيفرحوا إن لاعب يلعب ماتش أوماتشين كويس ويضخموا فيه.

وأضاف: أين الياس الجلاصى بعد ما رحل عن النادي المصري الآن؟.. ومعتز زدام بيدرب دلوقتي مع ناشئي الترجى.

واستطرد: في المغرب كنا بناخد سيشن عبر زوم مع أرسين فينجر، قالنا جملة اقتنعت بها تمامًا، حيث قال "دايمًا المشكلة بتيجي من الناس التي تدير الكرة من مجلس الإدارة، حيث يوجد أشخاص تحدد الصفقات وهم معندهمش فكره بتاتًا عن الكورة وأوعوا تسمحوا ليهم بـ كدا، ولو الإدارة هتتدخل في الشئون الفنية، يبقى هما ييجوا يمشوا الفريق زي ماهما عايزين، ومش هنتحاسب على النتائج بقى".

وزاد: أرى أن منصب مدير الكرة ليس له أهمية، المدير الفنى بيتابع كل التفاصيل، مدير الكرة بيعمل حاجة بتكون خطر جدًا، لما أحب أشد على لاعب بيروح مدير الكرة يطبطب عليه، واللائحة أو الاستبعاد هما أفضل قرار تأديبى.

وأضاف: لو حطيت لعيبة بيراميدز في الأهلي أو الزمالك هياخدوا كل حاجة، أنا لو معايا فرقة زى بيراميدز علشان اكسب الدوري لازم اللعيبة تبقى مصدقة فعلا كدا.

وأكمل: الأهلي والزمالك لم يقدموا الكرة المناسبة للإمكانيات الموجودة داخل كل فريق، ومشكلة كبيرة في بيراميدز إنه مقدرش يكسب الأهلي.

واختتم: محمد الشناوى أعطى كثيرا لـ الأهلي وعنده استمرارية، وقناعتي أن قوام المصري أفضل من الأهلي.

يمكنك مشاركة الخبر علي صفحات التواصل