قدم محل بلبن للحلويات، اعتذارًا عن بعض أسامي المنتجات التي يقدمها للزبائن، والتي لاقت انتقادات واسعة وذلك لتنافيها مع الذوق العام، وبالتحديد المنتج الذي يسمى “لهاليبو يح يح”.

وتعهد محل بلبن بتغيير اسم المنتج، مع استعداده لإلغاءه نهائيًا إذا كان ذلك سيرضى عملاءه، مؤكدًا احترامه لزبائنه وآرائهم وحرصه على اتجاوب مع ملاحظاتهم التي يبدونها.

ونشرت صفحة محل بلبن للحلويات منشورا طويلا عبرت فيها عن أسفها لانزعاج الزبائن من الاسم، استهلته بقولها: “والله كنا هنكتب بيان بخصوص موضوع الاسامي اللي منتشر بقالة يومين وبغض النظر بقي هي حملة ممنهجة ولا صدفه حبينا نقول كلمتين بالبلدي ومن القلب ومن غير بيانات ورسميات”.

بلبن: لفينا كل الدول العربية

وأضافت: “أولاً الحمد لله رب العالمين علي النعمة الكبيرة اللي احنا فيها وتوفيق ربنا الكبير لينا في كل الدول العربية اللي فتحنا فيها واللي كنا وجهة مشرفة فيها وبنفخر اننا براند مصري ١٠٠٪؜ ..ثانياً احنا محل حلويات يا جماعة يعني الموضوع في الحقيقة بسيط جداً بس عشان النجاح والفروع الكتير فا تلاقي الكلام عننا كتير الحمد لله لكن لما تلاقي مطعم عنده فرع ولا اتنين مسمي سندوتش الفياجرا ده اللي عادي خالص طبعاً ومفيهوش افساد للذوق العام وحضرتك بتروح تطلبه عادي”.

وحول اسم المنتج الذي أثار ضجة “لهاليبو يح يح”، كتبت الصفحة: “الاسامي عندنا من باب التهريج البحت ومعظمها بيكون صدف مرتبطة ب حاجات حصلت اثناء التجارب ( من وجهة نظرنا اللي ممكن متكونش مقنعة بالنسبالك فا مثلاً فكرة اسم المنتج اللي عليه الضجة كان هيتسمي لهاليبو بس في الاول علي اساس ان العجين سخن من بره وده مش العادي في الايس كريم بعد كده اتضاف كلمة يح يح علي اساس انه ساقع من جوه) وفعلا الموضوع بالنسبالنا كان تهريج تماماً مش مقصود بيه اي حاجة كنا شايفينة اسم مضحك افيه زي قوليلي يا محاميحو كده (الموضوع بسيط وتافه واتجاه كوميدي)”.

وأردف: “رابعاً بجد كل اللي بيحصل وبنشوفه في التلفزيون وعالنت واسامي منتجاتنا هي اللي بتفسد الذوق العام ؟.. اسامي منتجاتنا عاملة ازمة اخلاقية لدرجة انك بتدعو لمقاطعة مكان اكل عيش ليه اكتر من ٧٠ فرع في مصر وبيشتغل في ارباب اكتر من ٢٠ الف اسرة ؟”.

بلبن يعلن تغيير اسم منتج لهاليبو

وواصل: “كان ممكن تكتفي علي فكرة انك متطلبش المنتج بس لأن في حاجات اخلاقية كتير قوي محتاجين نتكلم فيها اهم من اسم منتج ايس كريم في السوق مش علي هواك… لكن تطالب بمقاطعة مكان اكل عيش الناس دي كلها ؟ والله حاسس ان الموضوع مش منطقي حببتين تلاتة”.

وأردف: “خامساً احنا اسفين ل اي حد شايفنا غلطانين وحاسس ان احنا فعلاً اللي عاملين ازمة بسبب اسم لهاليبو .. من النهاردة قررنا تغيير اسم المنتج خالص  لاي اسم يرضي الجميع ويكون في الصالح العام وممكن نلغي المنتج خالص عادي”.

بلبن يعتذر لزبائنه

واستطرد: “اخيراً، احنا بنتقي ربنا في اكل عيشنا والحمد لله قصة نجاح مصرية في ٨ دول عربية ب اكتر من ١٨٠ فرع واكتر من ٤٠ الف مصري شغال في المجموعة دي سواء داخل مصر أو في الخارج واه عندنا اخطاء تشغيلية ومشاكل شغالين علي حلها وبنسمع لكل النقد وبنحاول نحل كل المشاكل  و الحمد لله مستوانا في تحسن مستمر في كل حاجة وبنشتغل علي كل اخطائنا وبنتعلم منها ومش بنكابر وعشان كده الحمد لله ربنا بيكرمنا .. ولسا قدامنا كتير وعندنا خطة تطوير وتحسين لكل حاجة وبنشكر ربنا ومن بعده كل الناس اللي بتساندنا وكل اللي بينتقدنا نقد بناء بيساعدنا اننا نكون احسن .. عارفين ان الكلام طول بس كان لازم نفضفض بنعتذرلكم مره تانية ..ونتمني محدش يكون زعلان مننا”.