حرصت المنتجة رشا الظنحاني على حضور العرض الخاص لـ فيلم عنب الذي أُقيم بالأمس بحضور نجوم الفن وأبطال وصناع العمل، وتحدثت رشا الظنحاني في لقاءها مع موقع تحيا مصر على هامش العرض الخاص عن تفاصيل تجربتها الأولى في الإنتاج كما أشارت إلى تفاصيل في حياتها الشخصية.

المنتجة رشا الظنحاني عن فيلم عنب: كنت خايفة لأنها التجربة الأولى..واتعلمت منها كتير

كشفت المنتجة رشا الظنحاني عن تفاصيل إنتاج فيلم عنب والمخاوف التي واجهتها خاصةً وأنها تجربتها الأولى في عالم الإنتاج بعد افتتاحها شركة الرشا برودكشن، وأكدت رشا الظنحاني في لقائها مع موقع تحيا مصر أن هدفها منذ البداية كان التعلم وزيادة خبراتها في الإنتاج كما أكدت على حبها لمصر وسعادتها بتعاونها مع أبطال مصريين، وقالت: “كان هدفي إني أتعلم سواء من المخرج أو الأبطال وانا دايمًا هدفي لما اعمل حاجة أتعلمها كويس ومصر بلد السينما، كنت خايفة لأنها التجربة الأولى ليا في الإنتاج ومصر بلدنا التانية ف مكنتش خايفة اوي من حاجات تانية”.

بعد اختيارها من أكثر 200 سيدة مؤثرة في العالم.. رشا الظنحاني للسيدات: طوري نفسك واشتغلي اللي بتحبيه

تطرقت المنتجة رشا الظنحاني للتحدث عن تفاصيل اختيارها كواحدة من أكثر 200 سيدة مؤثرة في العالم، قائلة: “تم اختياري بين أكتر 200 سيدة في العالم تأثيرًا بحكم البيزنس وشغلي الخاص بيا وبالنسبة ليا هو لقب مميز وبفتخر به، وأنا عندي مبدأ ان لازم كل واحد يشتغل الحاجة اللي بيحبها ويكون عنده دخل ويشتغل على نفسه لكن في ستات بيقولوا معندناش وقت، في وقت لكل حاجة لازم الست تنمي من نفسها وتطور نفسها هيساعدها نفسيًا وفكريًا في كل حاجة”.

المنتجة رشا الظنحاني: مفيش ست تقدر تعيش من غير راجل

تابعت المنتجة رشا الظنحاني حديثها موجهة نصيحة للسيدات كما أشارت إلى السيدات التي تدعي أنها ليست في حاجة إلى رجل وأن عملها يكفيها وقالت: “مفيش ست تقدر تعيش من غير راجل أنا ضد مبدأ الستات اللي بتقول الشغل بيقويني ومفيش حاجة اسمها الست أقوى من الراجل بالعكس الاتنين بيكملوا بعض”.

تفاصيل فيلم عنب

أُقيم العرض الخاص لـ فيلم عنب بالأمس في إحدى دور العرض السينمائي في مصر وذلك بحضور الأبطال المشاركين به وصناعه، وتدور أحداث فيلم عنب في إطار اجتماعي كوميدي ومن المتوقع أن ينال إعجاب الجمهور وإيرادات عالية، ويشارك في بطولة فيلم عنب عدد من الفنانين منهم أيتن عامر، إسلام إبراهيم، محمود الليثي، توني ماهر، نور قدري والفيلم من إخراج أحمد نور وإنتاج رشا الظنحاني.